აშშ მიაწვდის უკრაინას სადაზვერვო ინფორმაციას, რომელსაც უკრაინელი სამხედროები ზალპური რეაქტიული სისტემებით დარტყმებისთვის გამოიყენებენ. ამის შესახებ „ეხო კავკაზა“ იუწყება. 
აშშ-ის თავდაცვის სამინისტროს ინფორმაციით, ამჟამად უკრაინელი სამხედროები HIMARS და MLRS სისტემების გამოყენების წვრთნებს ასრულებენ და ისინი მალე ფრონტზე გაიგზავნება.
აშშ ადასტურებს, რომ ამჟამად რუსეთს ბევრად მეტი არტილერია ჰყავს, ვიდრე უკრაინას. ვაშინგტონი კიდევ ერთხელ ადასტურებს, რომ უკრაინის ჯარს ყველა აუცილებელ იარაღს გადასცემს რუსული მიზნების განადგურებისთვის.
HIMARS-ის მოქმედების მანძილი 80 კმ-ს შეადგენს. რაც შეეხება უფრო შორი მოქმედების რაკეტებს, ამ ეტაპზე აშშ მათ კიევს არ მიაწვდის. ამასთანავე უკრაინელი სამხედროები აცხადებენ, რომ 80კმ-ის მანძილზე მოქმედი რაკეტები რუსულ არტილერიასთან საბრძოლველად სავსებით საკმარისია.