რუსი დამპყრობლები ლუგანსკის ოლქის ქალაქ სევეროდონეცკს შტურმით უტევენ  და ახლა ქალაქის აღმოსავლეთ ნაწილი მათ კონტროლს ექვემდებარება. ამის შესახებ უკრაინის შეიარაღებული ძალების გენერალური შტაბი წერს.
„სევეროდონეცკის მიმართულებით დამპყრობლები არტილერიის მხარდაჭერით აწარმოებენ თავდასხმის ოპერაციებს ქალაქზე, აკონტროლებენ სევეროდონეცკის აღმოსავლეთ ნაწილს. გარდა ამისა, დომინანტური სიმაღლეების დაკავების მიზნით, მტერი ცდილობს დაიწყოს შეტევა პოჩეჩნოე-ნიკოლაევის მიმართულებით“, - ვკითხულობთ ანგარიშში.
ქალაქის საქალაქო ადმინისტრაციის ხელმძღვანელმა ალექსანდრე სტრიუკმა განაცხადა, რომ სამხედროები იღებენ ზომებს სევეროდონეცკზე სრული კონტროლის დასაბრუნებლად და დარწმუნებულნი არიან, რომ „წარმატებას მიაღწევენ“.