უკრაინის არმია გაათავისუფლებს ხერსონს, თუნდაც ოკუპანტებმა მარსთან და იუპიტერთან შეერთება მოითხოვონ - პოდოლიაკი
უკრაინის პრეზიდენტის ადმინისტრაციის ხელმძღვანელის მრჩეველი, მიხაილო პოდოლიაკი ეხმაურება ხერსონის მარიონეტული რეჟიმის მოთხოვნას, რუსეთთან შეერთებაზე და წერს, რომ უკრაინის არმია გაათავისუფლებს ხერსონს, თუნდაც ოკუპანტებმა მარსთან და იუპიტერთან შეერთება მოითხოვონ.
"ერთადერთი მიმართვა, რომელიც შეიძლება მოამზადოს ხერსონის ოლქის "გაულეიტერსმა", სასამართლო განაჩენის შემდეგ შეწყალების თხოვნაა. ოკუპანტებმა შეიძლება მოითხოვონ შეერთება თუნდაც მარსთან, ან იუპიტერთან. უკრაინის არმია გაათავისუფლებს ხერსონს, როგორი სიტყვებითაც არ უნდა ითამაშონ" წერს პოდოლიაკი.
ხერსონის ოლქის საოკუპაციო რეჟიმი, პუტინს რუსეთის ფედერაციის შემადგენლობაში შეყვანის მოთხოვნით მიმართავს.