მოსკოვში, 200 000-მდე ადამიანს უმუშევრობა ემუქრება - მოსკოვის მერი
ეკონომიკური კოლაფსი რუსეთში - უცხოური კომპანიების გასვლის გამო, მოსკოვის 200 000-მდე მცხოვრებს უმუშევრობა ემუქრება. რუსეთის დედაქალაქის მერის, სერგეი სობიანინის თქმით, ამ ადამიანებს დროებით დასაქმებას, კერძოდ კი ადგილობრივ პარკებში საზოგადოებრივი სამუშაოს შესრულებას შესთავაზებენ.
მისი თქმით, აქამდე სანქციები მხოლოდ ფინანსურ სექტორს დაეტყო, დღეიდან კი უარყოფითი შედეგები ეკონომიკის კონკრეტულ სფეროებს შეეხება.
„ჩვენ ვაგრძელებთ დედაქალაქის ეკონომიკის მდგრადობის გაუმჯობესების გეგმის განხორციელებას. როგორც დაგეგმილი იყო, გასულ კვირას დავამტკიცეთ პროგრამა სამსახურიდან გათავისუფლების რისკის ქვეშ მყოფი თანამშრომლების მხარდასაჭერად. ფედერალური ბიუჯეტიდან სუბსიდიების გათვალისწინებით, მის განსახორციელებლად გამოიყოფა 3,36 მილიარდი რუბლი. უპირველეს ყოვლისა, პროგრამა მიმართულია უცხოური კომპანიების თანამშრომლებზე, რომლებმაც დროებით შეაჩერეს საქმიანობა ან გადაწყვიტეს რუსეთის დატოვება. ჩვენი შეფასებით, დაახლოებით 200 000 ადამიანი სამუშაოს დაკარგვის საფრთხის წინაშეა“, - წერს სობიანინი.არასაიმედო პროგნოზს აკეთებს რუსული „ცენტრობანკის“ მმართველი ელვირა ნაბიულინაც.
მისი თქმით, აქამდე სანქციები მხოლოდ ფინანსურ სექტორს დაეტყო, დღეიდან კი უარყოფითი შედეგები ეკონომიკის კონკრეტულ სფეროებს შეეხება.