42 რესპუბლიკელი სენატორი ბაიდენს მოუწოდებს, უკრაინას საბრძოლო თვითმფრინავები გადასცეს
რესპუბლიკელი სენატორები აშშ-ის პრეზიდენტის ადმინისტრაციას სთხოვენ, შეცვალოს კურსი და დაუშვას პოლონური MiG 29-ის ტიპის გამანადგურებელი თვითმფრინავების გადაცემა უკრაინელებისთვის.
AP News წერს, რომ ორმოცმა სენატორმა ხელი მოაწერა სენატორ ჯონი ერნსტისა და მიტ რომნის წერილს. წერილი მოუწოდებს ბაიდენს, უპასუხოს უკრაინის პრეზიდენტის თხოვნას, რომელმაც კანონმდებლებს შაბათ-კვირას განუცხადა, რომ თუ აშშ ვერ ეხმარება უკრაინას ცის ჩაკეტვასთან დაკავშირებით, მას შეუძლია, სულ მცირე მეტი თვითმფრინავი გაგზავნოს რუსეთისგან დასაცავად.
AP News წერს, რომ ორმოცმა სენატორმა ხელი მოაწერა სენატორ ჯონი ერნსტისა და მიტ რომნის წერილს. წერილი მოუწოდებს ბაიდენს, უპასუხოს უკრაინის პრეზიდენტის თხოვნას, რომელმაც კანონმდებლებს შაბათ-კვირას განუცხადა, რომ თუ აშშ ვერ ეხმარება უკრაინას ცის ჩაკეტვასთან დაკავშირებით, მას შეუძლია, სულ მცირე მეტი თვითმფრინავი გაგზავნოს რუსეთისგან დასაცავად.
"საკმარისია საუბარი. ხალხი კვდება. გაუგზავნეთ თვითმფრინავები, რომლებიც მათ სჭირდებათ", - თქვა სენატორმა რომნიმ პრესკონფერენციაზე.პოლონეთის საპასუხოდ, ოთხშაბათს პენტაგონმა განაცხადა, რომ თვითმფრინავები არ არის ყველაზე ეფექტური იარაღი და პოლონეთის გეგმა შეიძლება ომის ესკალაციის "მაღალი რისკის" ქვეშ იყოს. სენატორებმა უარყვეს ადმინისტრაციის არგუმენტები და განაცხადეს, რომ შეერთებულმა შტატებმა უნდა შეასრულოს თავისი ვალდებულებები და მიაწოდოს ზელენსკის ის, რაც მას სჭირდება უკრაინის დასაცავად.
"გთხოვთ, დაუყოვნებლად იმოქმედოთ სასწრაფოდ საჭირო საჰაერო ძალების უზრუნველსაყოფად, რომელიც გააძლიერებს უკრაინის შეიარაღებული ძალების უნარს - დაიცვან თავიანთი ქვეყანა და გადაარჩინონ მშვიდობიანი მოსახლეობის სიცოცხლე", - წერენ სენატორები.ცნობისთვის, 9 მარტს პოლონეთმა გამოთქვა მზადყოფნა, დაუყოვნებლივ და უფასოდ განათავსოს მის მფლობელობაში არსებული გამანადგურებელი MIG-29 რამშტეინის საავიაციო ბაზაზე, რომელიც გერმანიაში მდებარეობს და ამერიკის განკარგულებაშია.