უკრაინის თავდაცვის მინისტრი, ალექსეი რეზნიკოვი აცხადებს, რომ რუსული არმია უკრაინელ ჯარისკაცებს ვერ უმკლავდება და მშვიდობიანი მოქალაქეებს ესხმის თავს.
მისი თქმით, ოკუპანტების მიერ მოკლული მშვიდობიანი მოქალაქეების რაოდენობა უკრაინელ სამხედროებზე გაცილებით მეტია.

"რუსმა ოკუპანტებმა გამანადგურებელი დანაკარგების განცდის შემდეგ, დაიწყეს ტერორისტული ომი. ისინი იქცევიან როგორც კრიმინალები და მშიშრები. კლავენ და მძევლად აჰყავთ მშვიდობიანი მოქალაქეები, ქალები და ბავშვები. რუსმა ინტერვენციონისტებმა უფრო მეტი უკრაინელი მშვიდობიანი მოქალაქე მოკლეს, ვიდრე ჩვენი სამხედრო თავდაცვის სექტორის ყველა სტრუქტურიდან ბრძოლაში დაღუპულები. მინდა ეს მთელ მსოფლიოში გაიგონ", - თქვა ალექსეი რეზნიკოვმა.

ცნობისთვის, უკრაინაში რუსეთის შეჭრის დღიდან 71 ბავშვი დაიღუპა, 100-ზე მეტი კი დაშავდა. მხოლოდ მარიუპოლში ოკუპანტების შეტევის შედეგად, ორ კვირაში 1 200-ზე მეტი მშვიდობიანი მოქალაქე დაიღუპა.