აშშ-ის სახელმწიფო მდივანმა ენტონი ბლინკენმა დაადასტურა, რომ რუსეთი უკრაინაში შეჭრას უახლოეს მომავალში გეგმავს. ამის შესახებ მან რუსულ ტელეარხ „დოჟდთან“ ინტერვიუში განაცხადა.

„სამწუხაროდ, როგორც ახლა ვხედავთ, ყველაფერი ვითარდება ზუსტად ისე, როგორც მე ვთქვი რამდენიმე დღის წინ გაეროს უშიშროების საბჭოში, არის პროვოკაციების შეთხზვა, რომელიც შემდეგ გამოიყენება რუსეთის სამხედრო ინტერვენციის საბაბად დონბასში და უფრო ფართოდ უკრაინაში“, - განაცხადა ბლინკენმა.

შეგახსენებთ, აშშ-ს პრეზიდენტის თქმით, რუსეთის მთავარი სამიზნე, უკრაინის დედაქალაქი - კიევია.