ქოლ ცენტრების თაღლითური სქემა -ნაციონალური მოძრაობა სუს-ის ხელმძღვანელს, გრიგოლ ლილუაშვილს პარლამენტში იბარებს.
საგანგებო ბრიფინგზე, ენმ-ს წევრმა, დეპუტატმა ლევან ხაბეიშვილმა განაცხადა, რომ არც სუს-ს და მის ხელმძღვანელს აქამდე რეაგირება არ ჰქონიათ არც ერთ გახმაურებულ შემთხვევაზე, რომელიც მათი უწყების სახელს უკავშირდება, მათ შორის არც ტოტალურ მოსმენებზე და ლილუაშვილმა მხოლოდ ახლა, მედიას უჩივლა ქოლ ცენტრების საკითხზე.
ხაბეიშვილის თქმით, ამ ყველაფერს თავის მიზეზი აქვს

"ჩვენი ინფორმაციით, ის გახდა საერთაშორისო გამოძიების საგანი, ამ ადამიანის წინააღდეგ სავარაუდოდ დაწყება გამოძიება როგორც მთავარი ე.წ. კრიშა ქოლ ცენტრებისა, საიდანაც ძარცვავენ ევროკავშირის მოქალაქეებს" განაცხადა ხაბეიშვილმა.

მისი ინფორმაციით, უკვე რამდენიმე თვეა ქვეყანაში გერმანელი და ფრანგი გამომძიებლები იმყოფებიან და საერთაშორისო თაღლითობს სქემას იძიებენ.
ხაბეიშვილის თქმით, სწორედ ამას უკავშირდება "ოცნებისა" და მათი მართული მედიის ბოლოდროინდელი პროპაგანდა.
ენმ-ს ფრაქცია გრიგოლ ლილუაშვილს კითხვებზე პასუხის გასაცემად თავდაცვისა და უშიშროების კომიტეტის სხდომაზე იბარებს.
ქოლ ცენტრების თაღლითურ სქემაში დღეს ღარიბაშვილმა წინა ხელისუფლების კვალი დაინახა.