მიხეილ სააკაშვილის დაპატიმრება, საქართველოში პუტინის გამარჯვებაა - ასე აფასებს, „ვაშინგტონ თაიმსი“, საქართველოს მესამე პრეზიდენტის პატიმრობას და ღიად ამბობს, რომ მიხეილ სააკაშვილის დაკავება იყო არა მხოლოდ პოლიტიკურად მოტივირებული, არამედ ქვეყანაში ნებისმიერი სერიოზული ოპოზიციის სრული განდევნის მცდელობა.
სტატიაში სათაურით, „დასავლეთი უნდა შეეწინააღმდეგოს რუსულ აგრესიას“ - საუბარია ასევე ბელარუსი აქტივისტის, მარია კალესნიკოვას და რუსი ოპოზიციონერის, ალექსეი ნავალნის საქმეებზე.
"ბატონი სააკაშვილის დაპატიმრება წარმოადგენს გარდამტეხ მომენტს საქართველოს მომავალი როლისთვის მსოფლიო ასპარეზზე. იმის ნაცვლად, რომ გაეგრძელებინა ღიაობის, თავისუფლებისა და დემოკრატიის გზა, საქართველოს მთავრობამ აირჩია პოლიტიკური ოპონენტის ჩამოშორება პოლიტიკურად მოტივირებული ბრალდებებით, რითაც თავისუფალ სამყაროს უგზავნის მესიჯს, რომ ძალაუფლებას ნებისმიერ ფასად ჩაეჭიდება.
სააკაშვილის მიმართ არასათანადო მოპყრობა ციხეში და არასაკმარისი ჯანდაცვის უზრუნველყოფა შიმშილობის განმავლობაში კიდევ უფრო მეტად მიუთითებს იმაზე, რომ ეს იყო არა მხოლოდ პოლიტიკურად მოტივირებული დაკავება, არამედ ქვეყანაში ნებისმიერი სერიოზული ოპოზიციის სრული განდევნის მცდელობა." ნათქვამია სტატიაში.