კიდევ ერთი მკაცრი გაფრთხილება რუსეთს და საერთაშორისო თანამეგობრობა უკრაინის სუვერენიტეტის დასაცავად. დიდი ბრიტანეთის პრემიერმინისტრი აცხადებს, რომ რუსეთს უკრაინასთან ომი ძვირად დაუჯდება და ამაში მხოლოდ ეკონომიკური სანქციები არ იგულისხმება.
ბორის ჯონსონის თქმით, უკრაინელებისგან ის ძლიერ წინააღმდეგობას ელის და თუ პუტინი აგრესიულ განზრახვაზე უარს არ იტყვის, ბევრი რუსი ჯარისკაცი სახლში ცოცხალი ვეღარ დაბრუნდება.
ბრიტანეთის პრემიერი პუტინს აფრთხილებს, რომ რუსეთი გაითიშება საერთაშორისო ტრანზაქციების ქსელიდან, ე.წ. სვიფტიდან, და სანქციების ამ ვარიანტს ლონდონი ვაშინგტონთან ერთად განიხილავს.
რუსეთი კი საერთაშორისო პარტნიორების უმკაცრეს გზავნილებს ისევ მუქარითა და აგრესიული რიტორიკით პასუხობს.