ნეაპოლში, ქართველი ემიგრანტები დახმარებას ითხოვენ. ქალაქის ცენტრში ისინი საქართველოს გაუჩინარებული მოქალაქის, სალომე ტეტუნაშვილის სამძებრო სამუშაოების დაწყების მოთხოვნით შეიკრიბნენ და საპროტესტო აქციას მართავენ. 
ამბობენ, რომ ქვეყნის პოლიცია მათი და დაკარგული ქალის ოჯახის წევრების თხოვნაზე არ რეაგირებს და დახმარების თხოვნით საქართველოს საელჩოს მიმართავენ. ქართველ ემიგრანტს, სალომე ტეტუნაშვილს იტალიაში უკვე მეხუთე დღეა, ეძებენ.