უკრაინაში შეჭრა რუსეთისთვის, შეიძლება ახალი ჩეჩნეთი იყოს - ბორის ჯონსონი
დიდი ბრიტანეთის პრემიერმინისტრის, ბორის ჯონსონის თქმით, უკრაინაში რუსეთის შეჭრა შესაძლოა "ახალი ჩეჩნეთი" აღმოჩნდეს. ჯონსონი ამბობს, რომ ეს ქმედება რუსეთისთვის მტკივნეული და სისხლიანი პროცესი იქნება
„ჩვენ ძალიან მკაფიოდ უნდა ვუთხრათ კრემლს, რომ ეს დამღუპველი ნაბიჯი იქნება. ჩვენ ასევე უნდა გავუგზავნოთ მესიჯი, რომ უკრაინაში შეჭრა რუსეთისთვის მტკივნეული, სასტიკი და სისხლიანი პროცესი იქნება და ვფიქრობ, ძალიან მნიშვნელოვანია, რომ რუსეთში ხალხმა გაიგოს, რომ ეს ახალი ჩეჩნეთი შეიძლება იყოს“, -" თქვა ბრიტანეთის პრემიერ-მინისტრმა.შეგახსენებთ, რომ უკრაინის გარშემო სიტუაცია კვლავ დაძაბულია. საზღვართან ასობით ათასი რუსი ჯარისკაცია მობილიზებული. ამ ყველაფრის პარალელურად, კიევში ბრიტანეთის საელჩოს თანამშრომელთა ნაწილი ქვეყანას ტოვებს