მოწოდება საქართველოს მოქალაქეებს, ყველანი არჩევნებზე და კოალიციური კანდიდატებისთვის მხარდაჭერა, ეს არის ძალიან პრინციპული საკითხი და ეს არის მიხეილ სააკაშვილის თხოვნა - ეს განცხადება გუბაზ სანიკიძემ მიხეილ სააკაშვილთან შეხვედრის შემდეგ გააკეთა.
მან მესამე პრეზიდენტი რუსთავის მე-12 დაწესებულებაში ცოტა ხნის წინ მოინახულა. სანიკიძის თქმით, მიხეილ სააკაშვილი არ აპირებს შიმშილობის შეწყვეტას არანაირი პირობით. როგორც სანიკიძე ამბობს, მესამე პრეზიდენტს ქვეყანაში არსებულ მძიმე პოლიტიკურ ვითარებაზე ესაუბრა. გარდა ამისა, სანიკიძის ინფორმაციით, მიხეილ სააკაშვილი მოტივირებულად და ფიზიკურად ძლიერად გამოიყურება.