შეერთებული შტატების საელჩო საქართველოში "ქართული ოცნების" მხრიდან შარლ მიშელის დოკუმენტის ანულირებას განცხადებით ეხმაურება და წერს, რომ უკანგადადგმული ნაბიჯების გამო, მათი მხრიდან შეშფოთება სულ უფრო ღრმავდება.
საელჩო განცხადებაში აღნიშნავს, რომ მმართველი გუნდის მხრიდან შეთანხმებიდან ცალმხრივად გასვლა, კიდევ ერთი გადახვევაა, როგორც მოლაპარაკებების შინაარსიდან, ასევე იმ შეთანხმებიდან, რომელსაც მან ხელი მოაწერა. საელჩო წერს, რომ ეს გადაწყვეტილება ქვეყნისთვის მხოლოდ მეტ პოლიტიკურ არასტაბილურობას ქმნის.

"ვაშინგტონის შეშფოთება სულ უფრო მეტად ღრმავდება საქართველოს დემოკრატიული მომავლის გზაზე განმეორებითი უკანგადადგმული ნაბიჯების გამო.
ყველა ხელმომწერმა პასუხი უნდა აგოს ხელშეკრულების ფარგლებში მათ მიერ აღებულ ვალდებულებებზე მაშინ, როდესაც ჩვენ ვაგრძელებთ დაჟინებით მოთხოვნას, რომ ყველა პარტიამ ხელი მოაწეროს და სრულად შეასრულოს შეთანხმება. ქართული ოცნების მიერ შეთანხმებიდან ცალმხრივად გასვლა კიდევ ერთი გადახვევაა როგორც იმ მოლაპარაკებების შინაარსისა და სულისკვეთებიდან, რომელშიც "ქართული ოცნება" იღებდა მონაწილეობას, ასევე, იმ შეთანხმებიდან, რომელსაც მან ხელი მოაწერა. მმართველი პარტიის ეს გადაწყვეტილება, ქვეყნისთვის, მხოლოდ და მხოლოდ, უფრო მეტ პოლიტიკურ არასტაბილურობას ქმნის და აჩენს კითხვებს "ქართული ოცნების" ერთგულებაზე საქართველოს დემოკრატიული მიზნების მიღწევისადმი, იმ მიზნების, რომელიც პარტიამ თავად განსაზღვრა საქართველოსთვის",-ნათქვამია აშშ-ის განცხადებაში.