ნათელაშვილი - ვინც ჯერ კიდევ თავს თვლის ოპოზიციად, დაუყოვნებლივ დატოვოს ბოროტების სასახლე
ეს უკვე ქვეყანაში გაცხადებული დიქტატურის დამყარებაა - ასე ეხმაურება "ლეიბორისტული პარტიის" ლიდერი შალვა ნათელაშვილი "ქართული ოცნების" მიერ 19 აპრილის შეთანხმების გაუქმებულად და ანულირებულად გამოცხადებას. ნათელაშვილი ოპოზიციურ პარტიებს შექმნილი ვითარებიდან გამოსვლის სამ პირობას სთავაზობს.
"არსებობს რამდენიმე გამოსავალი პირველი: ჩვენ უნდა დავიწყოთ დიდი ეროვნულ-განმათავისუფლებელი მოძრაობა, ეს რეალობა დადგა ჩვენი თაობის წინაშე და რაც მთავარია, პარლამენტში შესულმა ოპოზიციამ, ვინც ჯერ კიდევ თვლის თავს ოპოზიციად, დაუყოვნებლივ უნდა დატოვოს ეს ბოროტების სასახლე.
ჩვენმა მოკავშირემ, ევროკავშირმა და აშშ-მ დაუყონებლივ უნდა დააყადაღოს და დააპატიმროს ბიძინა ივანიშვილის ყველა კრიმინალური მილიარდი უკანასკნელ ცენტამდე. ეს სამი ფაქტორი ჩვენს ქვეყანაში ძალიან მალე დააყენებს გაზაფხულს და ჩვენ შეილება გაქცეულ ოლიგაქრქის გუნდს თვალისც ვერ მოვკრათ, ისეთი სიჩქარე აკრიფონ",- ამბობს შალვა ნათელაშვილი.