კობახიძე - მზად ვართ, რიგგარეშე არჩევნები არათუ 43%-ის, არამედ 53%-ის მიღებისასაც დავნიშნოთ
"ქართული ოცნება" შარლ მიშელის შეთანხმების მიუხედავად ამბობს, რომ "მათი კეთილი ნაბით", მმართველი გუნდი მზად არის, რიგგარეშე არჩევნები 53%-ის მიღების შემთხვევაშიც დანიშნოს. "ოცნებამ" დღევანდელ ბრიფინგზე 19 აპრილის შეთანხმებას ანულირებულად გამოაცხადა და თქვა, რომ მან საკუთარი თავი ამოწურა.
მიშელის დოკუმენტს მმართველმა გუნდმა და ოპოზიციის უმრავლესობამ ხელი 19 აპრილს მოაწერა.
"გვინდა აღვნიშნოთ, რომ კოალიციური მმართველობის ჯანსაღი ტრადიციის დამკვიდრება და სხვა პოლიტიკურ პარტიებზე სახელმწიფოს მართვის პასუხისმგებლობის განაწილება საუკეთესო ევროპული პრაქტიკაა და "ქართული ოცნება" ამას მხოლოდ მხარს უჭერს და მიესალმება.ცნობისთვის, ევროპული საბჭოს პრეზიდენტის, შარლ მიშელის საბოლოო დოკუმენტის თანახმად, იმ შემთხვევაში თუ თვითმმართველობის არჩევნებში ქართული ოცნება 43%-ს ვერ მოაგროვებდა ქვეყანაში რიგგარეშე საპარლამენტო არჩევნები დაინიშნებოდა.
შესაბამისად, მზად ვართ, ჩვენი კეთილი ნებით, რიგგარეშე არჩევნები, არათუ ხმების 43%-ის არამედ 53%-ის მიღების შემთხვევაშიც დავნიშნოთ",- თქვა კობახიძემ.
მიშელის დოკუმენტს მმართველმა გუნდმა და ოპოზიციის უმრავლესობამ ხელი 19 აპრილს მოაწერა.