კობახიძე - ნახეთ რა რეაქცია ჰქონდათ პლაკატებზე, ზუსტად იციან, რომ რაც წერია, სიმართლეა
"ქართული ოცნების" დეპუტატი, ირაკლი კობახიძე თბილისში გაკრულ სიძულვილის პლაკატებს გამოეხმაურა, რომელიც რამდენიმე დღის წინ, დედაქალაქის ქუჩაში გაჩნდა. კობახიძე პოსტერების გაკვრაზე მმართველი გუნდის კავშირს უარყოფს, თუმცა ამბობს, რომ რაც მასზე წერია "რეალურად სიმართლეა".
"რაც შეეხება პლაკატებს, არ ვიცი, კონკრეტულმა ადამიანებმა გამოაკრეს პლაკატები თბილისში და თქვენ ნახეთ რამ მძიმე რეაქცია ჰქონდათ ამ პლაკატებზე გამოსახულ პირებს, მე მგონი ამის მიზეზი მარტივია, მათ ზუსტად იციან, რომ პლაკატზე რაც ეწერა რეალურად სიმართლეა",- თქვა ირაკლი კობახიძემ. კობახიძე ასევე აღნიშნავს, რომ მმართველი გუნდი პლაკატებთან დაკავშირებით პასუხისმგებლობას არ იღებს.