დარღვევები ძირითადად იყო: „გამომრჩა ხელმოწერა“, „ზედმეტი ბიულეტენი გადამყვა“, ანუ უყურადღებობით და ასეთი ტიპის დარღვევები, მაგალითად, „გამომრჩა მარკირება“ , „ოქმის რეკვიზიტი გამომრჩა შევსებისას“ და ა.შ. - ამბობს ცესკო-ს თავმჯდომარე საპარლამენტო საგამოძიებო კომისიის სხდომაზე, 2020 წლის 31 ოქტომბრის არჩევნებზე საუბრისას.
თამარ ჟვანიას თქმით, ასეთი შეცდომებისთვის კომისიის წევრებს დისციპლინური პასუხისმგებლობა დაეკისრათ.
მისივე თქმით, ცესკო-მ 862 ასეთი საჩივრიდან 224 დააკმაყოფილა, დანარჩენი საჩივრებიდან კი სასამართლოში მხოლოდ 13 სარჩელი წავიდა, საიდანაც ერთი ნაწილობრივ დაკმაყოფილდა.