"რკინიგზა არის ციხესიმაგრე ბორბლებზე" - ასე აფასებს "ნაციონალური მოძრაობის" დეპუტატი, რომან გოცირიძე საქართველოს რკინიგზის მიერ, სახელმწიფო აუდიტის კომპანიაში არ შეშვებას. დავა წლებია გრძელდება. 
გოცირიძის თქმით, აუდიტის სამსახური უდიდესი კონსტიტუციური უფლებებითაა აღჭურვილი და მას სხვა უფროსი არ ჰყავს გარდა პარლამენტისა.

"4 წელიწადია სასამართლო უძრავად გაშეშებულია. რკინიგზა არის ციხესიმაგრე ბორბლებზე, რომელიც ექვემდებარება ერთადერთ ადამიანს, ბიძინა ივანიშვილს", - თქვა რომან გოცირიძემ. 

პარლამენტში მიმდინარე საკომიტეტო მოსმენაზე, აუდიტის სამსახურის ხელმძღვანელისგან ოპოზიცია დაინტერესდა "საქართველოს რკინიგზის" შემოწმების საკითხით.