"რაც ახლა მოხდა, ნათლად ასახავს, რომ [პარლამენტი] ბიძინა ივანიშვილის დუქანია" - ასე ეხმაურება "ერთიანი ნაციონალური მოძრაობის" თავმჯდომარე ნიკა მელია "ქართული ოცნების" მიერ პლენარული სხდომის დახურვას. 
მისივე თქმით, ბიძინა ივანიშვილს ქვეყანა უფსკრულისკენ ჰყავს წაყვანილი და ამას "ქართულ ოცნებაშიც" ხვდებიან. 

"რაც ახლა მოხდა, ნათლად ასახავს, რომ [პარლამენტი] ბიძინა ივანიშვილის დუქანია. სადამდე დაიმალებიან?! ხვალ იქნება, ხვალაც ხომ არ გადადებენ სხდომას?! თუ ხვალაც არ გადადეს და ენითაღუწერელი პრეცენდენტი, კლვალ არ გაიმეორეს, რომელიც დაუშვეს დღეს, ხვალ მომეცემა შესაძლებლობა?! ხვალ მოვალ. ხვალაც თუ გადადეს?! ზეგ მოვალ, ზეგ თუ არ იქნება - მაზეგ, მაზეგ თუ არა - იმის მერე. დღეს ორი უმნიშვნელოვანესი კანონპრეოქტის განხილვაში უნდა მიგვეღო მონაწილეობა, ამნისტიის კანონპროექტისა და საარჩევნო კანონპროექტის, ორივე ჯერ მოხსნენს დღის წესრიგიდან და შემდეგ სხდომა დახურეს. ერთი რამ, რაც დღეს დადასტურდა, არის, რომ ამ პარლამენტს არ ჰყავს არც პარლამენტის თავმჯდომარე, არც არანაირი სუვერენული და ლეგიტიმური პირი "ქართული ოცნების" მხრიდან. ესა ბიძინა ივანისვილის მართული ხალხი, ამ ადამიანებს სჭირდებათ შველა, ისინი არიან ტყვეობაში. ჩემზე და თქვენზე კარგად იციან, რა ხდება სახელმწიფოში.
უბრალოდ, ისინი თავიანთ თავს უტყდებიან მაშინ, როდესაც რჩებიან საკუთარ თავთან ან ვიწრო წრეში... მაგრამ ეს იმას არ ნიშნავს, რომ "ქართულ ოცნებაში" არ არის ხალხი, რომლებიც ვერ ხვდებიან, რომ ბიძინა ივანიშვილს ქვეყანა წაყვანილი ჰყავს უფსკრულისკენ და ძალიან ახლოს ვართ გადაჩეხვასთან. ამისთვის ვართ დემოკრატიული ოპოზიცია, რომ გადაჩეხვის უფლება არ მივცეთ" - ამბობს მელია. 

ცნობისთვის, "ქართულმა ოცნებამ" დღევანდელი პლენარული სხდომა ისე დაამთავრეს, რომ პარლამენტში ახლადშესულ ენმ-ს თავმჯდომარეს სიტყვით გამოსვლის საშუალება არ მისცეს.