ივანიშვილის განცხადებას გამოხმაურებები უკვე მოჰყვა "ქართულ ოცნებაში". სოზარ სუბარი ეთანხმება და იზიარებს მისი პარტიის ყოფილი თავმჯდომარის მოსაზრებას, რომ გიორგი გახარიამ სახელმწიფოს უღალატა

აქამდეც არაერთხელ გვითქვამს, რომ დადიოდნენ და ავრცელებდნენ მისი გუნდის წევრები, განსაკუთრებით რეგიონებში, თითქოს ეს არის ბიძინა ივანიშვილის ალტერნატიული გეგმა, ჩვენც არაერთხელ გვითქვამს, რომ ეს არის ტყუილი, მაგრამ როგორც ჩანს, თვითონ ბიძინა ივანიშვილმა საჭიროდ ჩათვალა, რომ შეფასება მიეცა ამ სიცრუისთვის და ღალატისთვის, რაც ჩაიდინა გიორგი გახარიამ და მისი გუნდის წევრებმა საბოლოო ჯამში. ბიძინა ივანიშვილი წავიდა პოლიტიკიდან, ჩვენ არ გვაქვს მასთან კონტაქტი პოლიტიკურ თემებზე, შეიძლება ადამიანური კონტაქტი არსებობდეს და ამ ფონზე, როცა ვიღაც ცდილობს მისი სახელი გამოიყენოს და გამოიყენოს არასწორად, მან საჭიროდ ჩათვალა, რომ ყველაფერს მოფინოს ნათელი და თავის პოზიცია გაამჟღავნა მკაფიოდ, კითხვები მგონი აღარ დარჩა არავის" თქვა სუბარმა.

ბიძინა ივანიშვილმა დღეს განცხადება გაავრცელა, გიორგი გახარია ქვეყნის ღალატში დაადანაშაულა და უარყო გავრცელებული ხმები, რომ ყოფილი პრემიერის პარტია მისი პროექტია.