დამოუკიდებელი დეპუტატი, სალომე სამადაშვილი Facebook-ზე ნინოწმინის ოანსიონში განვითარებულ მოვლენებს გამოეხმაურა. სამადაშვილი წერს, რომ პრობლემა ხელისუფლებაშია და ის ვერ ბედავს საპატრიარქოს უთხრას, რომ კანონი ყველასთვის ერთია.
იმავე პოსტში სამადაშვილი ქვეყანაშ არსებულ სხვა პრობლემებზეც საუბრობს.

"რკინის კედელზე მოქალაქის სასოწარკვეთილი ბრახუნი, ქართული ოცნების უკანასკნელი ხელისუფლების სიმბოლოა. ეს ხილული კედელი, სინადვილეში იმ ღრმა უფრსკულის განსხეულებაა, რომელიც ხელისუფლებას და ხალხს შორის, ყოველდღიურად არა, ყოველწამიერად იზრდება. იზრდება, რადგან ორივე გადარჩენისთვის იბრძვის.
ხელისუფლებისგან მიტოვებული ადამიანები თავისთვის, ხელისუფლება კი, რკინის კედლებს უკან შეყუჟული-თავისთვის. გროტესკია-ნამახვანის კედელიც, პირამოკერილი მოქალაქეებიც, კანონისგან გადამალული უპატრონო ბავშვებიც, გროტესკია ისიც, რომ სასულიერო პირები გვეუბნებიან, რომ სახალხო დამცველს მისი კონსტიტუციური ვალდებულების აღსრულების შესაძლებლობას მისცემენ თუ არა, მათი გადასწყვეტია, გროტესკია ის დამრთგუნველი სიღატაკეც, რომელიც ჩვენს გარშემო მძვინვარებს.
ამ ყველაფრის მიზეზი კი მარტივია - ხელისუფლება, რომელმაც იცის, რომ მოპარულ დროზე ცხოვრობს, ბევრ რამეს ვერ ბედავს, რასაც უნდა ბედავდეს. მაგალითად, ვერ ბედავს, ხეობიდან საპოლიციო ძალები გამოიყვანოს და დაელოდოს მედიაციის შედეგს და კონტრაქტის შეფასებას კომპეტენტური ევროპული უწყებებიდან. ვერ ბედავს, საპატრიარქოს უთხრას, კანონი რომ ერთია, ყველასთვის",- წერს სამადაშვილი.