სახელმწიფო ინსპექტორის სამსახური საპატრიარქოს მხრიდან ჯანდაცვის ბაზებზე შესაძლო წვდომის საკითხს შეისწავლის
სახელმწიფო ინსპექტორის სამსახური საპატრიარქოს მხრიდან ჯანდაცვის სისტემის მონაცემებზე შესაძლო წვდომას შეისწავლის. მოკვლევის დაწყების შესახებ ინფორმაცია სახელმწიფო ინსპექტორის სამსახურში დაადასტურეს.
მოკვლევა სახელმწიფო ინსპექტორის სამსახურმა მას შემდეგ დაიწყო, რაც 19 მაისს საპატრიარქოში გამართულ ბრიფინგზე მხოლოდ ის ჟურნალისტები შეუშვეს, ვისაც ოფიციალური ინფორმაციით, კორონავირუსი გადატანილი აქვს.
ჟურნალისტების კითხვის პასუხად, თუ როგორ ამოწმებენ ინფორმაციას, საპატრიარქოს საზოგადოებასთან ურთიერთობის სამსახურის უფროსმა, მამა ანდრია ჯაღმაიძემ აღნიშნა, რომ მათ კოვიდ საავადმყოფოს ბაზასთან წვდომა აქვს.
„ჩვენ ხომ საავადმყოფო გვაქვს, რომელიც მოწყობილია კოვიდ ვითარებასთან დაკავშირებით, ეს საავადმყოფო 10 000-მდე ადამიანს მოემსახურა. ზოგადად, ბაზასთან წვდომა აქვს მას, ზუსტად ვერ ვერკვევი ამაში, მაგრამ აცრა ხომ ბაზაში რეგისტრირდება“, - განაცხადა მამა ანდრიამ.
სახელმწიფო ინსპექტორის სამსახურის პრესსამსახურში აღნიშნეს, რომ საკითხის შესახებ დამატებითი ინფორმაციის გავრცელება შესწავლის დასრულების შემდეგ იგეგმება.
მოკვლევა სახელმწიფო ინსპექტორის სამსახურმა მას შემდეგ დაიწყო, რაც 19 მაისს საპატრიარქოში გამართულ ბრიფინგზე მხოლოდ ის ჟურნალისტები შეუშვეს, ვისაც ოფიციალური ინფორმაციით, კორონავირუსი გადატანილი აქვს.
ჟურნალისტების კითხვის პასუხად, თუ როგორ ამოწმებენ ინფორმაციას, საპატრიარქოს საზოგადოებასთან ურთიერთობის სამსახურის უფროსმა, მამა ანდრია ჯაღმაიძემ აღნიშნა, რომ მათ კოვიდ საავადმყოფოს ბაზასთან წვდომა აქვს.
„ჩვენ ხომ საავადმყოფო გვაქვს, რომელიც მოწყობილია კოვიდ ვითარებასთან დაკავშირებით, ეს საავადმყოფო 10 000-მდე ადამიანს მოემსახურა. ზოგადად, ბაზასთან წვდომა აქვს მას, ზუსტად ვერ ვერკვევი ამაში, მაგრამ აცრა ხომ ბაზაში რეგისტრირდება“, - განაცხადა მამა ანდრიამ.
სახელმწიფო ინსპექტორის სამსახურის პრესსამსახურში აღნიშნეს, რომ საკითხის შესახებ დამატებითი ინფორმაციის გავრცელება შესწავლის დასრულების შემდეგ იგეგმება.