"შეიძლება სამართლებრივი საქმეები გაგრძელდეს" - კობახიძე
შარლ მიშელის დოკუმენტით, "ორი პოლიტკრიმინალი" გათავისუფლდა სხვებზე კი მემორანდუმი არ ვრცელდება და შეიძლება ისინი პასუხისგებაში მიეცნენ - აცხადებს ირაკლი კობახიძე და რეპრესიების ახალ ტალღას აანონსებს.
"თუ ვინმეს აქვს წარსულში ჩადენილი დანაშაული, ბუნებრივია, ვერანაირი მემორანდუმი ვერ გაათავისუფლებს. მემორანდუმში საქმე ეხებოდა ორ კონკრეტულ პირს, რაც შეეხება სხვა პოლიტკრიმინალებს მათ მემორანდუმი არ ეხებათ. მხოლოდ ორი პოლიტკრიმინალი გათავისუფლდა ამ მემორანდუმით, სხვა პოლიტიკური კრიმინალების მიმართ შეიძლება სამართლებრივი საქმეები გაგრძელდეს, ეს სამართლებრივი სახელმწიფოს პრინციპია", - თქვა კობახიძემ.მისივე თქმით, თუ მელია არ ისარგებლებს ამნისტიით, მასზე სამართლებრივი დევნა გაგრძელდება და განაჩენიც დადგება:
"ყველაფერს დაადგენს გამოძიება, მათ შორის მელიას შემთხვევაში, ვინ ვის მოერეოდა მაგაზე მე ვერ გავაკეთებ შეფასებას, რაც შეეხება გამოძიებას, ეს არის სამართალდამცველი ორგანოების პრეროგატივა. მათ შორის, შეგახსენებთ, რომ თუ მელია არ ისარგებლებს ამნისტიით მასზეც გავრცელდება ბუნებრივია სამართლებრივი დევნა და შეიძლება დადგეს შესაბამისი განაჩენი", - ამბობს ირაკლი კობახიძე.შეგახსენებთ, ხელისუფლებამ ნიკა მელიას ევროკავშირის გირაოთი გათავისუფლების შემდეგ, ამჯერად გიგი უგულავას საქმე "გააცოცხლა" და ე.წ. აეროპორტის ინციდენტზე სასამართლო ჩანიშნა, რომელიც მოგვიანებით, პროკურორის ჯანმრთელობის გამო, გადადო.