ყაზანის ერთ-ერთ სკოლაში მოსწავლეების ევაკუაცია დაიწყო მას შემდეგ, რაც სკოლის ტერიტორიაზე უცხო პირებმა ცეცხლსასროლი იარაღიდან სროლა დაიწყეს.
ამ დროისთვის არსებული ინფორმაციით, გარდაცვლილია 11 ადამიანი, მათ შორის, ორი ბავშვი ფანჯრიდან გადმოხტომის შედეგად დაიღუპა, როდესაც ისინი თავდამსხმელისგან თავის დაღწევას ამ გზით ცდილობდნენ. 20-მდე ადამიანია დაშავებული: ზოგს ცეცხლნასროლი ჭრილობები აქვს, ზოგს კი ქრონიკული დაავადებები გაუმწვავდა მიღებული სტრესის ფონზე.
თავდამსხმელი, ბოლო ინფორმაციით, ორი იყო: ერთი ლიკვიდირებულია, მეორე - დაკავებული. დაკავებულ პირს აღნიშნული სკოლა ოთხი წლის წინ ჰქონდა დამთავრებული.
როგორც მედია წერს, ერთ-ერთი თავდამსხმელი სკოლის შენობაში მთავარი შესასვლელით შევიდა და მაშინვე გახსნა ცეცხლი ავტომატური იარაღიდან. როგორც შემდგომში დადგინდა, იარაღი მასზე ოფიციალურად იყო რეგისტრირებული.
ყაზანში კონტრტერორისტული ოპერაციის რეჟიმი შემოიღეს.