პარლამენტის ვიცესპიკერი, კახა კუჭავა ეხმაურება 23 მარტს აშშ-ს სენატში გამართულ მოსმენას, რომელიც საქართველოს შეფასებას ეხებოდა. სენატორებმა ისაუბრეს საქართველოში არსებულ კრიზისზე და აღნიშნეს, რომ საქართველოში სასამართლოსა და მედიაზე ოლიგარქიული გავლენები იზრდება. აშშ-ს სახელმწიფო მდივნის მაღალჩინოსანმა კი ოპოზიციური ლიდერის დაკავება დემოკრატიის უკუსვლად შეაფასა.
"ფაქტი ფაქტად რჩება. სენატის შეფასებით, საქართველო არის პროდასავლური, დემოკრატიული ქვეყანა და მისაბაძი ქვეყანა რეგიონში, ხოლო ქართულმა ოცნებამ, როგორც პროდასავლურმა ძალამ, მიაღწია მნიშვნელოვან პროგრესს, რამაც დაგვაახლოვა ჩვენს სტრატეგიულ მიზანთან, 2024 წელს გავაკეთოთ განაცხადი ევროკავშირში წევრობაზე". – თქვა კახა კუჭავამ პარტიის ოფისში გამართულ ბრიფინგზე/ 
სენატში სხდომას სენატორი ჯინ შაჰინი უძღვებოდა. მოსმენაზე სენატორებმა ერთ-ერთ საკითხად განიხილეს, დამატებით რა შეიძლება გააკეთოს აშშ-მ მიმდინარე კრიზისში საქართველოს დასახმარებლად.
სენატორმა რონ ჯონსონმა წამოაყენა წინადადება, აშშ-ს სენატმა მიიღოს რეზოლუცია, რათა პოლიტიკურმა პარტიებმა თავად და ერთიანი ძალებით გადაჭრან უთანხმოება.