დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, დღეს 19:00 საათზე, ჯანდაცვის სამინისტროში გაიმართება სხდომა, სადაც იმსჯელებენ შეჩერდება თუ არა ქვეყანაში "ასტრაზენეკას" ვაქცინით აცრა. 

შვიდ საათზე სამინისტროში იმუნიზაციის სამეცნიერო კომიტეტის სხდომა იქნება, სადაც შედიან ჩვენი ცნობილი მეცნიერები და ექიმები, ასევე, იმუნიზაციის ექსპერტთა უსაფრთხოების საბჭოში, დაავადებათა კონტროლის ეროვნული ცენტრიც, რა თქმა უნდა, იღებს მონაწილეობას ამ შეხვედრაში და იქ იქნება განხილული და მიღებული გადაწყვეტილებები, - განაცხადა გამყრელიძემ.

დღის განმავლობაში გავრცელებული ინფორმაციით, ახალციხეში, კლინიკა „იმედში“ კორონავირუსის საწინააღმდეგო ვაქცინის გაკეთების შემდეგ, ექთანი ცუდად გახდა და კომაში ჩავარდა.