ვლადიმერ პუტინმა სავარაუდოდ, გასულ წელს  ჩატარებულ არჩევნებზე დონალდ ტრამპის სასარგებლოდ ზეგავლენის მოხდენის ნებართვა გასცა - ამის შესახებ აშშ-ის ეროვნული დაზვერვის დირექტორის ოფისის მიერ გამოქვეყნებულ ანგარიშში წერია.
დოკუმენტში ასევე მითითებულია, რომ მოსკოვი ავრცელებდა "შეცდომაში შემყვან ან დაუსაბუთებელ ბრალდებებს" საბოლოო გამარჯვებულის, ჯო ბაიდენის შესახებ. დეზინფორმაციის კამპანიის მიზანი კი ფართო საარჩევნო პროცესის მიმართ ნდობის შერყევა იყო.