"სკეპტიკურად ვარ განწყობილი" - ვოლსკი ოპოზიციასთან დიალოგზე
"ქართული ოცნების" ერთ-ერთი ლიდერი, გია ვოლსკი ამბობს, რომ ოპოზიციასთან მოლაპარაკებასთან დაკავშირებით სკეპტიკურად არის განწყობილი. მისივე თქმით, ამ დამოკიდებულებას მთავარი ოპოზიციური პარტია, "ნაციონალური მოძრაობა" უქმნის.
ჩემი იმედები დამყარებულია იმაზე, რომ საზოგადოების უდიდესი ნაწილი, თუ ყველა არა, მოითხოვს პოლიტიკური პარტიებისგან იმას, რომ გარკვეულ საკითხებზე შეთანხმდნენ და უზრუნველყონ ქვეყნის სტაბილურობა, რომ განვითარებას არ შეექმნას პრობლემები. ესაა რეალობა. რეალობიდან რომ გამოვიდეთ, მე სკეპტიკურად ვარ განწყობილი. ჩემს სკეპტიციზმს გუნდში ზოგი იზიარებს, ზოგი - არა, მაგრამ ფაქტია, რომ ჩემი სკეპტიციზმი განპირობებულია ბოლო მოვლენებით და საერთოდ, არჩევნებამდე შექმნილი სურათით, რომელსაც ყველაზე დიდი ოპოზიციური პარტია „ნაცმოძრაობა“ ქმნიდა საქართველოში, - ამბობს ვოლსკი.ოპოზიციის მოთხოვნები კი ხელისუფლების მიმართ, უცვლელია:
- ხელახალი საპარლამენტო არჩევნები;
- ცესკო-ს თავმჯდომარის გადადგომა და საარჩევნო ადმინისტრაციის ახალი შემადგენლობის დანიშვნა;
- პოლიტპატიმრების გათავისუფლება.