ჟურნალისტმა ვახო სანაიამ შინაგან საქმეთა სამინისტროს შენობა ცოტა ხნის წინ დატოვა. 
ის დაახლოებით 5 საათის განმავლობაში ეცნობოდა საქმის მასალებს. გამოსვლის შემდეგ მათ მედიასთან განმარტეს, რომ გაეცნენ ჩვენებებს, მათ შორის, იმ 5 მაშველის, რომლებიც შემთხვევას წყნეთის ქუჩაზე შეესწრნენ.
ვახო სანაიას განცხადებით, მაშველები არ აკონკრეტებენ, რომ ადგილი ჰქონდა ფიზიკურ ძალადობას და თავდასხმის ფაქტს. 
,,სრულ სიცრუეს ამბობენ და ამას ადასტურებს ის ვიდეომასალა, რომელიც დევს საქმეში. ყვებიან, რომ არათუ ფიზიკური შეხება, არამედ სიტყვიერი შეურაცხყოფაც კი არ მოუყენებიათ. იქ იყვნენ მაშველები, რომლებიც თავს იკავებენ იმის თქმისგან, დაინახეს თუ არა ფიზიკური დაპირისპირება,"- აცხადებს ვახო სანაია.
შეგახსენებთ, რომ შემთხვევა წყნეთის ქუჩაზე, 24 თებერვალს მოხდა, რა დროსაც ვახო სანაია ოჯახის წევრებთან და მცირეწლოვან შვილთან ერთად გადაადგილდებოდა. ფაქტს შეესწრო 5 მაშველი.