მთავარი არხის გენერალური დირექტორი ნიკა გვარამია ტვ პირველის მიერ გამოქვეყნებულ ჩანაწერებთან დაკავშირებით პროკურატურის მიერ გავრცელებულ განცხადებას "ფეისბუქზე" გამოეხმაურა და აღნიშნა, რომ ეს განცხადება მედიისა და ჟურნალისტების დასჯის განაცხადია.

პროკურატურის განცხადება ბოდვაა. მაგრამ უაღრესად საშიში ბოდვა. განსაკუთრებით - "ასევე კერძო კომუნიკაციის ჩანაწერის, ტექნიკური საშუალებით მოპოვებული ინფორმაციის უკანონოდ გამოყენებისა და გავრცელების ფაქტებზე" - აი ამ ნაწილში.
ესაა ჟურნალისტების და მედიის დასჯის განაცხადი, არ უნდა ამას ბევრი ლაპარაკი.
ps დანარჩენის აბსურდულობაზე წერაც არ ღირს, იმდენად ცხადია, და, რაც დავწერე იმასთან შედარებით, მეორეხარისხოვანი, - წერს ნიკა გვარამია "ფეისბუქზე".

 შეგახსენებთ, პროკურატურამ სკანდალურ ჩანაწერებთან დაკავშირებით  გამოძიება უნებართვო ჩაწერის და მიყურადების მუხლით დაიწყო.