ახალგორელი სამოქალაქო აქტივისტი თამარ მეარაყიშვილი პრემიერმინისტრობის კანდიდატს მიმართავს და გიორგი გახარიას ერთპარტიულ პარლამენტში გაცემულ დაპირებებს ეხმაურება.
მეარაყიშვილი წერს, რომ არაერთხელ მოუსმენია მსგავსი დაპირებები, თავადაც არაერთხელ მიმართა გახარიას იმისთვის, რომ რამდენიმე წუთი დაეთმო და ახალგორის პრობლემები უშუალოდ მისგან მოესმინა თუმცა გახარიამ არც ერთხელ მას არ მოუსმინა:

გამარჯობა, ბატონო გიორგი. მე ვარ თამარ მეარაყიშვილი. სამოქალაქო აქტივისტი. ვცხოვრობ ახალგორში. აქედან გწერთ.
გავეცანი ინფორმაციას გეგმებზე, რასაც ჩვენი მიმართულებითაც აპირებთ. 
რა საჭირო იყო ასეთი ლამაზი დაპირებების გაცემა პარლამენტში, სადაც კითხვას არ დასვამდნენ? ისედაც "დაგიჯერებდნენ" რომ ჩვენზე ფიქრობთ და ზრუნავთ. 
არ მჯერა თქვენი ერთი სიტყვისაც კი, სამწუხაროდ, რადგან თქვენთვის ადამიანი არაა მთავარი. არაერთხელ მოგმართეთ ღია წერილით, სატელევიზიო სივრციდან, რომ დაგეთმოთ რამდენიმე წუთი და მოგესმინათ ჩემთვის- მე ახალგორელებისგან მაქვს უფლება დაგლაპარაკებოდით მათი სახელით, მაგრამ ჩემმა სურვილმა თქვენამდე ვერ მოაღწია. 
მძიმე მდგომარეობაში ვართ. ძალიან მძიმე მდგომარეობაში. გთხოვთ, დაგველაპარაკოთ." წერს მეარაყიშვილი "ფეისბუქზე"