„ნაციონალური მოძრაობის“ წევრის ნიკა მელიას განცხადებით, თუ მმართველ გუნდთან ხელახალი არჩევნების დანიშვნის შესახებ შეთანხმება არ მოხდება, ოპოზიცია საპროტესტო აქციებს დაიწყებს. 
"ყველა ობიექტური მოქალაქე, გარდა სუბიექტური, აჟიტირებული მოქალაქეებისა, ღრმად დარწმუნებულია რომ არჩევნები გაყალბდა. გაყალბებული არჩევნებით უმცირესობამ გაიფორმა უმრავლესობა, თუმცა ვერ გაიფორმა საბოლოო ჯამში.
ოპოზიცია გეგმაზომიერად მოქმედებს საზოგადოებასთან ერთად. ხელახალი არჩევნები არის მოთხოვნა, რომელიც არ გადაიხედება. იმ შემთხვევაში, თუ დავინახავთ, რომ ბიძინა ივანიშვილი შეთანხმებაზე არ წამოვა, აქციები დაიწყება. მე პასუხისმგებლობას ვიღებ ამაზე და ასევე აიღებს ყველა პასუხისმგებლიანი მოქალაქე. იქნება მძლავრი საპროტესტო აქციებისთვის მზადების დასაწყისი, რომელიც დაგვირგვინდება მაშინ, როცა დაგვირგვინდება“, - განაცხადა ნიკა მელიამ.