"ქართული ოცნების" მთავარი პიარ-ტექნოლოგი, მმართველი პარტიის კონსულტანტი ლაშა ნაცვლიშვილი "ფეისბუქზე" არასრულად ასაჯაროვებს მიმოწერას "მთავარი არხის" ჟურნალისტთან ბექა ყორშიასთან, რომელიც მას სატელევიზიო კომენტარის ჩაწერის მიზნით დაუკავშირდა. 
პასუხად ნაცვლიშვილმა აგვიხსნა, რომ "მთავარს" არ შეიძლება ლეგიტიმური კითხვები ჰქონდეს, რადგან დროის, სივრცის, კონტექსტის და ფორმატის განცდა არ გვაქვს და რომც რამე აგვიხსნას, მაინც ვერ გავიგებთ. 

– ბატონო ლაშა, სალამი. ბექა ყორშია გაწუხებთ მთავარი არხიდან. თქვენი ჩაწერა მინდა, თუ წინააღმდეგი არ იქნებით

– სალამი, ბექა. მომწერეთ რა გაინტერესებთ და თუ საჭიროდ ჩავთვლი, გიპასუხებთ.

– გადაცემა “პიანი ბაზარში”, შალვა რამიშვილს ეუბნებით ერთგან – ჩვენ ვართ მანიპულატორები, რას ვიზამთ, შეგვწევს ეს უნარიო. თქვენგან, როგორც მედია-პლატფორმის შემქნელისა და მესვეურისგან, ამის მოსმენა ლეგიტიმურ კითხვებს აჩენს. ამ თემაზე მინდა დავილაპარაკოთ. თუ დამთანხმდებით, ძალიან დამავალებთ. არ ჩამეწერებით ?

– რასაკვირველია, არ “ჩაგეწერებით”, არც ამ და არც სხვა თემაზე, რადგან თქვენ არ ხართ მედია, თქვენ “ნაციონალური მოძრაობის” საზოგადოებასთან ურთიერთობის სამსახურიც არ ხართ, თქვენ ხართ პარტიად წოდებული ამ ორგანიზებული დანაშაულებრივი დაჯგუფების მიერ საზოგადოების შეცდომაში შეყვანის, მისი შეურაცხყოფის და დაცინვის სპეციალური სამსახური და ფეიკ-ნიუსის საწარმო. შესაბამისად, თქვენ არ შეიძლება ლეგიტიმური კითხვები გქონდეთ, – ეს ერთი! და მეორე – რომც აგიხსნათ, მაინც ვერ გაიგებთ, რადგან არც დროს და სივრცის განცდა გაქვთ, არც კონტექსტის და ფორმატის, სხვა მაღალ მატერიებზე რომ აღარ ვილაპარაკოთ. თქვენ გაქვთ პარტიული დავალება და ცდილობთ, შეასრულოთ. შემიძლია, მხოლოდ გითანაგრძოთ, სხვა ვერაფრით დაგეხმარებით…

ამასთან, "ოცნების" მთავარი იდეოლოგი და სოციალურ ქსელებში გავრცელებულ ფეიკ-ჯგუფებთან, ფეიკ-ნიუსებთან, ხელისუფლების მესიჯბოქსის გამხმოვანებელ ტროლებთან და ბოტებთან აფილირებული ლაშა ნაცვლიშვილი  არ ასაჯაროვებს მიმოწერის იმ ნაწილს, რაც მას ბექა ყორშიამ პირველ მესიჯზე გაცემული  შემდეგ მისწერა. 
ლაშა ნაცვლიშვილსა და ბექა ყორშიას შორის მიმოწერა ასე დასრულდა. 

სრულად მიმოწერას, ბოლო პასუხამდე, ნახავთ შაბათს  მიშა სესიაშვილის გადაცემაში "მთავარი შაბათს" ბექა ყორშიას სიუჟეტში.