ბოკერია ვაშაძეზე: გაუგებარი განცხადებაა, ველოდებით პარტიისგან მკაფიო განმარტებას
ევროპული საქართველოს ლიდერი, გიგა ბოკერია "გაუგებარს" უწოდებს ერთიანი ნაციონალური მოძრაობის თავმჯდომარის, გრიგოლ ვაშაძის განცხადებას, რომელიც პარტიებს მოუწოდებს, რომ ქუჩა ყველა დონის საკანონმდებლო ორგანოების ტრიბუნებით ჩაანაცვლონ.
"ევროპული საქართველოს პოზიცია არის უცვლელი და არც შეიცვლება, რომ ამ ვითარებაში, ამ სამარცხვინო პროცესის შედეგად, ამ პარლამენტში შესვლა და მონაწილეობის მიღება მეტი ზიანის მომტანია ბევრად, ვიდრე თავისთავად ცუდი არჩევანი, რომ არ ვმონაწილეობთ ამ პარლამენტში". – თქვა გიგა ბოკერიამ.
"რბილად რომ ვთქვათ, გაუგებარი განცხადებაა და დამაბნეველი, ველოდებით პარტიისგან, ნაციონალური მოძრაობისგან და მისი თავმჯდომარისგან მკაფიო განმარტებას, რას გულისხმობს და რისი თქმა უნდოდა, რამე ცვლილებაა მათ პოზიციაში, თუ არა". – ამბობს გიგა ბოკერია.
ოპოზიციური ლიდერის თქმით, მისი პარტიის პოზიცია არის უცვლელი, რომ ამ ვითარებაში პარლამენტში შესვლა უფრო დიდი ზიანის მომტანია. "ევროპული საქართველოს პოზიცია არის უცვლელი და არც შეიცვლება, რომ ამ ვითარებაში, ამ სამარცხვინო პროცესის შედეგად, ამ პარლამენტში შესვლა და მონაწილეობის მიღება მეტი ზიანის მომტანია ბევრად, ვიდრე თავისთავად ცუდი არჩევანი, რომ არ ვმონაწილეობთ ამ პარლამენტში". – თქვა გიგა ბოკერიამ.