პროტესტით ისარგებლა ყველაზე დესტრუქციულმა ძალამ, ნაციონალურმა მოძრაობამ - ღარიბაშვილი
პრემიერმინისტრის, ირაკლი ღარიბაშვილის განცხადებით, რუსი პროპაგანდისტის ვიზიტის გამო მოქალაქეების პროტესტის "დესტრუქციულმა ძალამ" "ნაციონალურმა მოძრაობამ" ისარგებლა. მისი თქმით, ეს იმ ფონზე მოხდა, როცა ქვეყანა ნაწილობრივ გაიხსნა ტურისტებისთვის, რაც ძალიან მნიშვნელოვანია.
"მოგეხსენებათ, რომ ჩვენი მოქალაქეების ერთმა ჯგუფმა პროეტისტის გამოხატვა გადაწყვიტა, რითაც ისარგებლა ყველაზე დესტრუქციულმა ძალამ ენმ-მ და როგორც სჩვევიათ მოვლენები თავიანთი დღის წესრიგის ფარგლებში მოაქციეს. ამჯერადაც ნაციონალური მოძრაობის და კერძოდ სააკაშვილის მიზანია რა თქმა უნდა დესტრუქცია და საბოტაჟი და ჩვენი ქვეყნისთვის მაქსიმალური ზიანის მიყენება, ჩვენი ქვეყნის საერთაშორისო იმიჯის შელახვა. ამჯერადაც, ეს გააკეთეს იმ ფონაზე, როცა ჩვენი ქვეყანა ნაწილობრივ იხსნება ტურისტებისთვის და მოგეხსენებათ, თუ რაოდენ დიდი მნიშვენლობა აქვს ჩვენთვის ტურისტების შემოსვალს, მითუმეტეს ამ ვითარებაში", - თქვა ირაკლი ღარიბაშვილმა.მისი განცხადებით, სახელმწიფო სტრუქტურები პოზნერის ვიზიტის პარალელურად კანონის სრული დაცვით მოქმედებდნენ.