Babajana LOGO

არ გამოვრიცხავ, “ოცნებასთან” მოლაპარაკებებზე ცალკე დავსხდეთ — ელისაშვილი

12 იანვარს 2021 12:43ნახვები 588წყარო: netgazeti.geფოტო: netgazeti.ge
პარტია “მოქალაქეების” ლიდერი ალეკო ელისაშვილი არ გამორიცხავს, რომ “ქართულ ოცნებასთან” მოლაპარაკებებზე ცალკე დასხდნენ.
ასე უპასახა მან “რუსთავი 2-ის” ეთერში ჟურნალისტის კითხვას, ელჩების შუამავლობით ოპოზიციასა და “ქართულ ოცნებას” შორის მიმდინარე მოლაპარაკებების ჩაშლის შემთხვევაში, დასხდებიან თუ არა მოლაპარაკებების მაგიდასთან ცალკე “ქართულ ოცნებასთან” ერთად.
ელისაშვილის თქმით, მოლაპარაკებების მეხუთე რაუნდის გამართვა გარკვეულწილად კითხვის ნიშნის ქვეშ დგას.
“არ გამოვრიცხავთ [“ქართულ ოცნებასთან” მოლაპარაკებებზე ცალკე დავსხდეთ], უბრალოდ, არ გვინდა, რომ მოლაპარაკება ჩაიშალოს. იმიტომ, რომ გაცილებით მარტივი იქნება მერე “ქართული ოცნებისთვის” ჩვენი გადაგდება და მოტყუება, რასაც ელჩების თანდასწრებით ვერ იზამენ. რა თქმა უნდა, ჩვენთვის გაცილებით კომფორტია, რომ სხვებიც იყვნენ და ელჩები იყვნენ და მონაწილეობდნენ. ამიტომ არაფრით არ გვინდა, რომ ეს ჩაიშალოს. სხვა გზა თუ არ დაგვრჩა და აქეთ ოპოზიციამ ფეხები აბაკუნა და მარტო რევოლუცია და ავამღვრიოთ წყალიო, იძახა, მეორე მხრივ, თუ “ქართული ოცნებაც” არ მოვიდა იმ შეხვედრაზე, რაღაცა იქნება შესაცვლელი”, — განაცხადა ელისაშვილმა.
ოპოზიცია საპარლამენტო არჩევნების შედეგებს არ აღიარებს, რის გამოც “ქართულ ოცნებასა” ოპოზიციას შორის უცხოელი ელჩების შუამავლობით მოლაპარაკებები დაიწყო. უკვე გაიმართა მოლაპარაკებების 4 რაუნდი და დაგეგმილი მეხუთე რაუნდის გამართვაც, თუმცა ჯერჯერობით უცნობია როდის გაიმართება მეხუთე რაუნდი.
ამასთან, ბარიერგადალახულმა პარტიებმა, გარდა პარტია “მოქალაქეების” 2 წევრისა და “გირჩის” 3 წევრისა, საპარლამენტო მანდატებზე უკვე უარი თქვეს. ამ დროისთვის მეათე მოწვევის პარლამენტში “ქართულ ოცნებასთან” ერთად “პატრიოტთა ალიანსის” სიით შესული 4 დეპუტატია, რომლებმაც აღნიშნული პარტია დატოვეს და ახალი გაერთანების – “ევროპელი სოციალისტების” შექმნის შესახებ განაცხდეს.

share on FacebookShare on Twitter უკან დაბრუნება წინა სტატია შემდეგი სტატია გასაჩივრება

კომენტარები

Georgian Bread
GWK
Truck Service & Parking
MAX Chania
amazon deals