Babajana LOGO

ლევან გოფოძე - გარდაცვლილ პაციენტს უმძიმესი გართულებები აღენიშნებოდა, მიუხედავად იმისა, რომ ბოლო PCR ტესტი უარყოფითი იყო, დადგა მძიმე შედეგი

02 ივნისს 2020 16:09ნახვები 557წყარო: ipn.geფოტო: ipn.ge
თბილისის რესპუბლიკური საავადმყოფოს დირექტორის, ლევან გოფოძის განცხადებით, კორონავირუსით დღეს გარდაცვლილ მამაკაცთან ბოლო PCR ტესტის შედეგმა უარყოფითი აჩვენა და მიუხედავად ამისა, მძიმე შედეგი დადგა.
როგორც გოფოძემ „ინტერპრესნიუსს“ განუცხადა, პაციენტს სხვა დაავადებებთან ერთად ჰქონდა ინსულტი, რომელიც კვლევებით თავდაპირველად არ ჩანდა.
"პაციენტს აღენიშნებოდა უმძიმესი გართულებები - სეპტიური შოკი, ფილტვის ემბოლია. ასევე, ინსულტი, რომელიც თავიდან ისე არ ჩანდა კვლევებით, თუმცა შემდეგ დადასტურდა. ამან დაამძიმა პაციენტის მდგომარეობა და მიუხედავად იმისა, რომ ბოლო PCR ტესტი უარყოფითი იყო, დადგა მძიმე შედეგი”- განაცხადა გოფოძემ.
ცნობისთვის, დღეს კორონავირუსით კიდევ ერთი პაციენტი გარდაიცვალა. ქვეყანაში ვირუსით გარდაცვლილთა რიცხვი 13-მდე გაიზარდა.

share on FacebookShare on Twitter უკან დაბრუნება წინა სტატია შემდეგი სტატია გასაჩივრება

კომენტარები

Barami.US
MAX Chania