შეერთებული შტატების სახელმწიფო მდივნის, ენტონი ბლინკენის თქმით, ჩინელ დიპლომატებთან შეხვედრისას პეკინმა აშშ დაარწმუნა, რომ მას არ გაუგზავნია და არ აპირებს გაუგზავნოს რუსეთს ლეტალური იარაღი.
ბლინკენის თქმით, ჩინეთის გარანტიები დასაფასებელია და არ არსებობს რაიმე მტკიცებულება, რომელიც ამ განცხადებებს ეწინააღმდეგება. თემაზე საუბრისას აშშ-ის სახელმწიფო მდივანმა აღნიშნა, რომ რუსეთის ლეტალურ იარაღს შესაძლოა კერძო ჩინური კომპანიები აწვდიდნენ.

"რაზეც ჩვენ მუდმივად შეშფოთებული ვართ არის ჩინური ფირმები - კომპანიები, რომლებიც შესაძლოა აწვდიდნენ ტექნოლოგიას, რომელიც რუსეთს შეუძლია გამოიყენოს უკრაინაში თავისი აგრესიის წინსვლისთვის. ამიტომ ჩვენ ვთხოვთ ჩინეთის მთავრობას, რომ იყოს ძალიან ფხიზლად ამ საკითხთან დაკავშირებით", - თქვა ბლინკენმა.

ბლინკენი ოფიციალური ვიზიტით ჩინეთში იმყოფება. ის უკვე შეხვდა ჩინელ დიპლომატს, საგარეო საქმეთა მინისტრსა დას პრეზიდენტ სი ძინპინს.