გუდაურში დაკარგული რუსი ტურისტის ცხედარი იპოვეს. მთის კურორტების განვითარების კომპანიის ინფორმაციით, გუდაურის სამაშველო სამსახურმა სამძებრო ოპერაცია დილის 07:30- ზე განაახლა. ცხედარი დაახლოებით ორ საათში აღმოაჩინეს.
მთის კურორტების განვითარების კომპანიის ინფორმაციით, 15 თებერვალს, რუსი ტურისტების ჯგუფი გუდაურში, "საძელეს" მიმდებარე ტერიტორიაზე, აკრძალულ ზონაში შესაბამისი დამცავი აღჭურვილობის გარეშე სრიალებდნენ, რის შედეგადაც მოწყდა ზვავი. გუდაურის სამაშველო სამსახურმა 3 ადამიანი უვნებლად გამოიყვანა.