უკრაინაში სამხედრო თვითმფრინავის Antonov-26-ის ჩამოვარდნის შედეგად, სულ მცირე, 22 ადამიანი დაიღუპა, მათი უმეტესობა ხარკოვის საჰაერო ძალების უნივერსიტეტის კადეტები იყვნენ. 
კადეტები საწვრთნელ ფრენაზე იყვნენ. 
უკრაინის საგანგებო სიტუაციების სამინისტროში თქვეს, რომ თვითმფრინავში სულ 27 პირი იყო. ორი პირი სერიოზულად დაშავდა, სამს ეძებენ. 
ავიაკატასტროფის მიზეზს იძებენ. უცნობია, აღმოსავლეთ უკრაინაში რუსეთთან კონფლიქტთან დაკავშირებულია თუ არა ეს. 
ხარკოვის რეგიონალური გუბერნატორის, ოლექსი კუჩერის, თქმით, პირველადი ინფორმაციით, ერთერთმა პილოტმა ჩამოვარდნამდე ერთი ძრავის უკმარისობაზე განაცხადა, თუმცა ეს კრიტიკული სიტუაცია არ უნდა ყოფილიყო. ამის შესახებ ინფორმაციას ინტერფაქსი ავრცელებს.
26 სექტემბერს ადგილზე პრეზიდენტი ვოლოდიმირ ზელენსკი ჩავა.