ნიუ-იორკის ყოფილი მერი, მილიარდერი მაიკლ ბლუმბერგი ფლორიდაში, ჯო ბაიდენის საპრეზიდენტო კამპანიისთვის 100 მილიონ დოლარს დახარჯავს. ამის შესახებ BBC წერს.
როგორც ბლუმბერგის მრჩეველმა  "როიტერთან" თქვა, მილიარდერს დიდი სურვილი აქვს ტრამპის დამარცხებაში წვლილი შეიტანოს. 
ფლორიდა ერთ-ერთი ყველაზე მერყევი შტატია. ამ შტატში  2016 წლის საპრეზიდენტო არჩევნებში  გამარჯვება ტრამპმა მოიპოვა, მანამდე 2012 წელს კი ბარაკ ობამამ.
აშშ-ში საპრეზიდენტო არჩევნები  ნოემბერში ჩატარდება. მოქმედი პრეზიდენტის  დონალდ ტრამპის მთავარი კონკურენტი სწორედ დემოკრატი ჯო ბაიდენია.