შიდა ქართლიდან ლუგარის ლაბორატორიაში გაგზავნილი 100-ზე მეტი ნიმუშიდან კორონავირუსი 8 პირს დაუდასტურდა.
ყველა ინფიცირებული გორის მუნიციპალიტეტის მცხოვრებია. ინფიცირების ფაქტები რამდენიმე დღის წინ გორის ერთ-ერთ რესტორანში გამართულ ქორწილს უკავშირდება.
ეპიდემიოლოგიური ცენტრის, შიდა ქართლის რეგიონული ოფისის ხელმძღვანელის, ეკა ქორჩაშვილის ინფორმაციით, აღნიშნული პირები, ბოლო დღეებში იმყოფებოდნენ თვითიზოლაციაში და ამჟამად მიმდინარეობს მათი გადაყვანა სპეციალზირებულ კოვიდ კლინიკებში.
მისივე ინფორმაციით, ინტენსიურ რეჟიმში გრძელდება ეპიდკვლევები და დამატებითი ნიმუშების აღება.