"ენმ"-ს ერთ ერთი ლიდერი ხატია დეკანოიძე ადასტურებს რომ ერთ ერთი მაჟორიტარული ოლქი, სადაც მისი კანდიდატურა განიხილება, თბილისში, ისნის ოლქია. მისივე თქმით, არის მეორე ვარიანტიც- დასავლეთ საქართველო, ბაღდათი-თერჯოლა-ზესტაფონი-ტყიბულის გაერთიანებული მაჟორიტარული ოლქი.
დეკანოიძის თქმით, სად იყრის კენჭს, გადაწყვეტილებას პარტია უახლოეს დღეებში მიიღებს, თუმცა ამბობს, რო მაჟორიტარობის კანდიდატი აუცილებლად იქნება:
"იყო საუბარი თუ ჩვენ გენერალურ გადაწყვეტილებას მივიღებდით ისანთან დაკავშირებით, ერთ ერთი კანდიდატურა იყო ჩემი, მაგრამ ჯერ გადაწვეტილება არ მიგვიღია" ამბობს დეკანოიძე "მთავარი არხის" ეთერში გადაცემა "დღის სტუმარში".
შეგახსენებთ, რომ ისნის მაჟორიტარულ ოლქში, ოპოზიციის ერთიანი კანდიდატი ამჟამად გიორგი ვაშაძეა, თუმცა "ენმ" არ გამორიცხავს, რომ "სტრატეგია აღმაშენებლს" ლიდერს კონკურენტი დაუყენოს. "ნაციონალური მოძრაობა ვაშაძეს ოპოზიციური შეთანხმების დარღვევაში ადანაშაულებს.