დღის საათებში სენაკში ერთ კვირაში უკვე მორე შეიარაღებული ყაჩაღობის შემთხვევა მოხდა.
თავდამსხმელებმა ამჯერად ბაჩანა გვილავას ოჯახი დააყაჩაღეს. გვილავას მეტალოპლასტმასის კარ-ფანჯრების ბიზნესი აქვს. არსებული ინფორმაციით, ოჯახი სახლში მასალის შესაძენ ფულს ინახავდა. სენაკში ამბობენ, რომ გვილავა "ქართული ოცნების" მხარდამჭერია და მას ტენდერებიდან საკმაოდ კარგი შემოსავალი ჰქონდა.
პოლიციამ ოჯახი კატეგორიულად გააფრთხილა, რომ წაღებული თანხის რაოდენობა მედიასთან არ დააკონკრეტოს. გავრცელებული ინფორმაციით, თავდამსხმელებს სახლში შეჭრისას ბინაში მხოლოდ ასაკოვანი ქალი დახვდათ.
ამ წუთებში ადგილზე კრიმინალისტები მუშაობენ. ერთი კვირის განმავლობაში ეს უკვე სენაკში მომხდარი ყაჩაღობის მეორე შემთხვევაა.