მას შემდეგ, რაც პაატა კვიჟინაძე საჩხერის მაჟორიტარი დეპუტატობის კანდიდატად დაასახელდა, "ქართული ოცნების" საჩხერის შტაბში ფულის დარიგება დაიწყეს. ინფორმაციას ამის თაობაზე ჟურნალისტი გიორგი კაპანაძე ავრცელებს და ამბობს, რომ  საჩხერეში 570 კოორდინატორს ჯამში 170 ათასი ლარი უკანონოდ გადაუხადეს.
"ქართული ოცნების" საჩხერის შტაბში დაარიგეს 170 ათასი ლარი სრულიად უკანონოდ და არალეგალურად ე.წ. პარტიულ კოორდინატორებზე. საჩხერეში ნამდვილად არის 57 საარჩევნო უბანი და თითოეულ უბანზე "ქართულ ოცნებას" ჰყავს 10 პარტიული კოორდინატორი, - განმარტავს კაპანაძე.შეგახსენებთ, რომ "ქართულმა ოცნებამ" რეგიონებში მაჟორიტარობის კანდიდატები 20 ივლისს დაასახელა. პაატა კვიჟინაძე საჩხერის, ჭიათურისა და ხარაგაულის ოლქში იყრის კენჭს.