რომან გოცირიძე - საქმე ნელ-ნელა ივანიშვილის პირადი სანქციებისკენ მიდის
ფრაქცია "ნაციონალური მოძრაობის" თავმჯდომარის, რომან გოცირიძის განცხადებით, უმკაცრესი შეფასებები, რომელიც ხელისუფლების მისამართით ყოველდღიურად ისმის, საერთაშორისო იმიჯს აზიანებს და ხალხის კეთილდღეობაზე მოქმედებს, რადგან "ასეთ ქვეყანაში ინვესტორი ცხვირს არ შემოყოფს". აღნიშნული განცხადებით გოცირიძე 6 ამერიკელი კონგრესმენის მიერ აშშ- ის სახელმწიფო მდივნის მაიკ პომპეოსთვის გაგზავნილ წერილს გამოეხმაურა.
"საქმე ნელ- ნელა მიდის ივანიშვილის პირადი სანქციებისკენ. განცხადებები, რომ თითქოს ლობისტების მეშვეობით რესპუბლიკური პარტიის კანონპროექტის ჩანაწერი ივანიშვილის შესახებ, რომ იგი პუტინის მოკავშირეა, იქნებოდა ამოღებული, სად არის ამოღებული? ამოღებული კი არა, კიდევ უფრო მძიმე შეფასებები გაისმის კონგრესიდან. ეს თუ არ დამთავრდა, ანუ ხელისუფლება თუ არ შეიცვალა, საქართველოს ელოდება სერიოზული პრობლემები, მათ შორის, საერთაშორისო მხარდაჭერის კუთხით. დღეს ორი მძიმე ინფორმაცია გავიგეთ, თუ როგორ ემსახურება ივანიშვილი რუსულ ინტერესებს და მერე ალბათ პირად ინტერესებსაც. მილიარდი დოლარის პრეტენზია გააჩნია „ანაკლიის განვითარების კონსორციუმის“ ამერიკულ მეპატრონეს, სამი მილიარდი ლარი რომ დაკარგოს ქვეყანამ ეს ნიშნავს, რომ ეს იქნება ამოღებული თითოეული ოჯახის ჯიბიდან. ეს ნიშნავს, რომ ივანიშვილის გამო ზარალდება თითოეული ჩვენგანი, მაგრამ არ მოხდება ასე. ივანიშვილს მოუწევს პროექტის ჩაძირვისთვის პასუხისგება, როგორც პოლიტიკურად ასევე ფინანსურად",- განაცხადა გოცირიძემ.
"საქმე ნელ- ნელა მიდის ივანიშვილის პირადი სანქციებისკენ. განცხადებები, რომ თითქოს ლობისტების მეშვეობით რესპუბლიკური პარტიის კანონპროექტის ჩანაწერი ივანიშვილის შესახებ, რომ იგი პუტინის მოკავშირეა, იქნებოდა ამოღებული, სად არის ამოღებული? ამოღებული კი არა, კიდევ უფრო მძიმე შეფასებები გაისმის კონგრესიდან. ეს თუ არ დამთავრდა, ანუ ხელისუფლება თუ არ შეიცვალა, საქართველოს ელოდება სერიოზული პრობლემები, მათ შორის, საერთაშორისო მხარდაჭერის კუთხით. დღეს ორი მძიმე ინფორმაცია გავიგეთ, თუ როგორ ემსახურება ივანიშვილი რუსულ ინტერესებს და მერე ალბათ პირად ინტერესებსაც. მილიარდი დოლარის პრეტენზია გააჩნია „ანაკლიის განვითარების კონსორციუმის“ ამერიკულ მეპატრონეს, სამი მილიარდი ლარი რომ დაკარგოს ქვეყანამ ეს ნიშნავს, რომ ეს იქნება ამოღებული თითოეული ოჯახის ჯიბიდან. ეს ნიშნავს, რომ ივანიშვილის გამო ზარალდება თითოეული ჩვენგანი, მაგრამ არ მოხდება ასე. ივანიშვილს მოუწევს პროექტის ჩაძირვისთვის პასუხისგება, როგორც პოლიტიკურად ასევე ფინანსურად",- განაცხადა გოცირიძემ.