"ღარიბაშვილს ივანიშვილი როგორც მოექცა, ეს მთელი "ოცნებისთვის" გაკვეთილი უნდა იყოს" - მეზვრიშვილი
"ღარიბაშვილს ივანიშვილი როგორც მოექცა, ეს მთელი "ოცნებისთვის" გაკვეთილი უნდა იყოს", - ამის შესახებ განცხადება პარტია "საქართველოსთვის" წევრმა, ნათია მეზვრიშვილმა "რეაქციის" ეთერში გააკეთა და აწ უკვე ყოფილ პრემიერ-მინისტრსა და ირაკლი კობახიძეს კორუფციულ საკითხებში "ივანიშვილის მომსახურე პერსონალი" უწოდა.
მეზვრიშვილი დარწმუნებულია, რომ ქართველი ოლიგარქის მიერ მიღებული გადაწყვეტილება 2024 წლის არჩევნებში კვლავ "ოცნების" გამარჯვებას უკავშირდება, რადგან კობახიძე სწორედ ის ადამიანია, რომელსაც ღარიბაშვილზე უკეთ შეუძლია ხმების გაყალბება.
მეზვრიშვილი დარწმუნებულია, რომ ქართველი ოლიგარქის მიერ მიღებული გადაწყვეტილება 2024 წლის არჩევნებში კვლავ "ოცნების" გამარჯვებას უკავშირდება, რადგან კობახიძე სწორედ ის ადამიანია, რომელსაც ღარიბაშვილზე უკეთ შეუძლია ხმების გაყალბება.
ივანიშვილი ცდილობს, რომ კობახიძეს ამოეფაროს, მაგრამ ფონს ვერ გავა. ეს ადამიანი ეცდება, რომ საზოგადოებას დაანახოს, თითქოს, ეს ადამიანი, რომელიც ახლა პრემიერად დანიშნა სჯობს წინა მორბედს. რეალურად, სხვაობა არის ერთადერთი. კობახიძეს უკეთესად შეუძლია არჩევნების გაყალბება და ეს არის ივანიშვილის მიზანი დღეს. ეს არის ის გაჭირვება, რამაც ეს ადამიანი ჩრდილიდან გამოიყვანო, კომფორტის ზონა დაატოვებინა და როგორც ჩანს, აპირებს ახლა, რომ კობახიძით გადააგოროს, მაგრამ ვერ გადააგორებს. ორივე ირაკლი კორუფციის საკითხებში ივანიშვილის მომსახურე პერსონალები არიან, უბრალოდ ერთმა მეტი მოჰპარა, მეორემ ნაკლები, ამიტომ ერთს უფრო მეტად ენდობა, მეორეს ნაკლებად. ღარიბაშვილს ივანიშვილი როგორც მოექცა, ეს მთელი "ოცნებისთვის" გაკვეთილი უნდა იყოს", - ამბობს მეზვრიშვილი.