აღშფოთებულები ვართ პოლ ველანის მიმართ გამოტანილი განაჩენით და მის დაუყოვნებლივ გათავისუფლებას მოვითხოვთ , - ამის შესახებ აშშ-ის სახელმწიფო მდივანმა მაიკ პომპეომ განახადა, რითაც ის მოსკოვის საქალაქო სასამართლოს დღევანდელ გადაწყვეტილებას გამოეხმაურა, რომელმაც ყოფილ ამერიკელ საზღვაო ქვეითს ჯაშუშობისთვის 16-წლიანი პატიმრობა შეუფარდა.
„აღშფოთებულები ვართ დღევანდელი გადაწყვეტილებით, რომელიც საიდუმლო სასამართლო პროცესსა და მტკიცებულებებს ეფუძნება და პოლ ველანის დაუყოვნებლივ გათავისუფლებას მოვითხოვთ“, - წერს აშშ-ის სახელმწიფო მდივანი სოციალურ ქსელ „ტვიტერში“.
შეგახსენებთ, მოსკოვის საქალაქო სასამართლომ ყოფილი ამერიკელი საზღვაო ქვეითი პოლ ველანი რუსეთის წინააღმდეგ ჯაშუშობაში ბრალდებულად ცნო და 16-წლიანი პატიმრობა მიუსაჯა.