სოზარ სუბარი მიხეილ სააკაშვილის ვივა-მედიდან რუსთავის მე-12 პენიტენციურ დაწესებულებაში გადაყვანას ითხოვს. ამ ინიციატივით საპარლამენტო უმრავლესობის წევრმა იუსტიციის მინისტრს პარლამენტში მიმართა.
სოზარ სუბარი სახელისუფლებო გუნდს მოუწოდებს, რომ მესამე პრეზიდენტთან დაკავშირებით პოლიტიკური გადაწყვეტილება მიიღოს და პენიტენციურ დაწესებულებაში დააბრუნოს. 

სასწაული უკვე მოხდა - კახექსია დაამარცხა იმ კაცმა, დემენცია დაამარცხა, ფსიქიკურ აშლილობათა მთელი სპექტრი დაამარცხა, გასტროენტეროლოგიური დაავადება თუ რამე არსებობს, მთელმა საქართველომ ისწავლა ამ კაცის მაგალითზე, ჯანმრთელია დღეს და უკვე რევოლუციებს აანონსებს და პოლიტიკაში აქტიურად ერთვება. ექიმების მოლოდინი ყველამ კარგად ვიცით, რას იტყვიან - ცოტა გადაბრალებაა იმიტომ, რომ კარგად ვიცით, რომ პოლიტიკური გადაწყვეტილება არის მისაღები და მივიღოთ პოლიტიკური გადაწყვეტილება და დავაბრუნოთ ეს ადამიანი იქ, სადაც უნდა იყოს - რუსთავის მე-12 დაწესებულებაში, იქ არის მისი ადგილი, ამ სიმძიმის დამნაშავე საქართველოში ძალიან ცოტა გვყავს და არც ჯანმრთელობას არ უჩივის მისი ყოველდღიური საეთერო გამოსვლებიდან თუ მუქარებიდან,“ - განაცხადა სოზარ სუბარმა.

სოზარ სუბარი არ არის ერთადერთი, ვინც მიხეილ სააკაშვილის პენიტენციურ დაწესებულებაში დაბრუნებას ითხოვს. დღეს პარლამენტში "ოცნების" დეპუტატებმა მსგავსი მოწოდებები გააკეთეს. "სააკაშვილი მხართეძოზეა წამოგორებული, მაინტერესებს, როდის დაექვემდებარება სასამართლოს გადაწყვეტილებას," - ამბობს ალუდა ღუდუშაური. 
ღუდუშაურის გარდა, სააკაშვილის პენიტენციურ დაწესებულებაში გადაყვანაზე ისაუბრა მამუკა მდინარაძემაც - "გვსაყვედურობენ საზოგადოების დიდი ნაწილიდან იმის შესახებ, რომ არ არის მისი მდგომარეობა ისეთი, რომ ის იყოს კლინიკაში და არ იყოს ციხეში".